Rriten të hyrat në Komunën e Rahovecit

05/08/2019 Institucionet

Drejtoria për Buxhet dhe Financa në Komunën e Rahovecit është e angazhuar në rritjen e të hyrave komunale, nga ky angazhim kjo drejtori ka arritur të mbledh në periudhën janar-qershor të vitit 2019 608,272 euro, ndërsa në të njëjtën periudhë të vitit 2018, ishin realizuar 517,226 euro. Komuna e Rahovecit ka arritur që të realizojë 51 për qind të të hyrave nga buxheti i planifikuar për këtë vit, kur dihet se kanë mbetur edhe gjashtë muaj tjerë deri te përfundimi i vitit fiskal. Drejtori i Drejtorisë për Buxhet dhe Financa, Afrim Limani, ka thënë se: ”Këto të hyra realizohen nga taksat komunale dhe të hyrat tatimore, siç është tatimi në pronë e taksat tjera. Sipas tij, vetëm nga të hyrat nga tatimi në pronë janë realizuar 244,490 euro. ”Kjo periudhë njihet si periudha më e mirë e inkasimit të të hyrave nga tatimi në pronë. Kjo rritje e të hyrave në komunën e Rahovecit, është rezultat i përkushtimit të qeverisë komunale, e kryetarit dhe të gjithë drejtorëve dhe stafit të Drejtorisë së Financave”, ka thënë drejtori  Limani. Po ashtu ky rezultat i arritur është edhe falë tatimpaguesve të cilët kryejnë obligimet e tyre me kohë.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara