Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja nga radhët e Partisë Demokratike të Kosovës, Sala Jashari, ka reaguar ndaj mënyrës se si Lëvizja Vetëvendosje ka interpretuar aktgjykimin e Gjykatës Kushtetuese lidhur me seancën konstituive dhe çështjen e votimit të fshehtë. Sipas saj, Vetëvendosje po e shfrytëzon Kushtetutën për interesa të veta politike, duke e interpretuar atë “sipas dëshirës” dhe në mënyrë që i konvenon njëanshëm. Ajo thekson se pretendimi i kryesuesit të seancës, Avni Dehari, se deputetët kanë refuzuar një të drejtë kushtetuese është një shtrembërim i qëllimshëm i aktgjykimit të Gjykatës Kushtetuese dhe i të drejtës parlamentare. “Ne nuk kemi refuzuar asgjë. Thjesht nuk jemi bërë pjesë e një manipulimi procedurial që synon të fshehë mungesën e legjitimitetit,” tha Jashari. “Si deputetja më e re në Kuvend, e ndjej për obligim të theksoj se Kushtetuta nuk mund të përdoret si justifikim për të anashkaluar vullnetin politik të shumicës së deputetëve. Imponimi i një mënyre votimi pa konsensus është veprim i një subjekti të vetëm dhe jo produkt i dakordimit institucional,” theksoi ajo.
