Fillimi / Lajmet / Server: Jo revolucion, por përpjekje serioze për të ndërtuar shtetin e Kosovës dhe rrugëtim drejt NATO-s
Presidenti i Kosovës, Hashim Thaçi, ka thënë se presidenti i SHBA-së, Donald Trump, ka treguar vëmendje të madhe për forcimin e paqes dhe stabilitetit në Ballkanin Perëndimor. Përmes një postimi në Facebook, Thaçi ka thënë se letrat e Trump e kanë skicuar epilogun e procesit të dialogut ndërmjet Kosovës dhe Serbisë, i cili duhet të përfundojë me njohje reciproke, përcjell lajmi.net. “Presidenti i SHBA-së, Donald Trump, ka treguar vëmendje të madhe për forcimin e paqes dhe stabilitetit në Ballkanin Perëndimor. Letrat e tij e kanë skicuar epilogun e procesit të dialogut ndërmjet Kosovës dhe Serbisë, i cili duhet të përfundojë me njohje reciproke”, ka shkruar Thaçi. Thaçi beson se marrëveshja me Serbinë, me njohje, do të përmbyllet nën udhëheqjen e presidentit Trump. “Nën udhëheqjen e presidentit Trump dhe punën e shkëlqyeshme të ambasadorit Grenell jam besimplotë se ky proces do të përmbyllet së shpejti me njohje ndërmjet Kosovës dhe Serbisë. Jemi të bekuar me përkrahjen e përhershme të SHBA-së për popullin dhe shtetin e Kosovës”, ka thënë në fund Thaçi.

Server: Jo revolucion, por përpjekje serioze për të ndërtuar shtetin e Kosovës dhe rrugëtim drejt NATO-s

Jo revolucion, por përpjekje serioze për të ndërtuar shtetin e Kosovës dhe rrugëtim të shpejtë drejt NATO-s dhe Bashkimit Evropian, është ajo çfarë pret prej kryeministrit Albin Kurti eksperti për çështjen e Ballkanit, Daniel Serwer. Ish-diplomati amerikan, që nuk ka qenë i kënaqur me mjetet që ka përdorur Vetëvendosja në të kaluarën, thotë se fokusi kryesor i ish-opozitarit Kurti duhet të jetë fuqizimi i sundimit të rendit dhe ligjit. Deri tani ka pasur kritika se lidershipi kosovar shumë vendime i ka marrë nën presionin e diplomatëve të huaj. Ish- ambasadori amerikan në Itali ka thënë në intervistën e javës për “Kohën Ditore” se të gjitha qeveritë i nënshtrohen presionit, dhe këtu përjashtim nuk do të ketë as për Kurtin. “Por shkathtësia e udhëheqësve këtu është që ta përdorin atë presion për të sjellë sa më shumë përfitime për qytetarët e vendit tuaj”, ka theksuar Serwer. Një nga çështjet e para me të cilat duhet të merret Qeveria e re është pezullimi i taksës ndaj mallrave me origjinë nga Serbia dhe kthimi në tryezën e negociatave. Por Serwer vlerëson se Prishtina nuk duhet të nxitohet në këtë proces, edhe për faktin se Serbia së shpejti do të jetë në një periudhë parazgjedhore. Sipas mendimit të Serwerit, një marrëveshje e mirë do të përfshinte pezullimin e fushatës serbe kundër njohjeve; pezullimin e tarifave për mallrat serbe dhe zbatimin e plotë të marrëveshjeve të mëparshme të arritura në dialogun e Brukselit- veçanërisht marrëveshjen për energjinë.(KD)

Kontrolloni gjithashtu

Gjendje alarmante në Brazil, mbi 33 mijë viktima nga koronavirusi

Mediet ndërkombëtare njoftojnë për gjendje alarmante në Brazil për shkak të koronavirusit. Gazeta “The Guardian” ...