Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të PDK-së, Abelard Tahiri, thotë se kryeministri Albin Kurti fajëson të tjerët për dështimet e veta. Ai në postimin për ‘të arriturat’ në fushën e luftimit të krimit të organizuar e korrupsionit ia atribuoi vetes rezultatet e arritura nga institucionet e agjencive të pavarura në luftimin e kriminalitetit dhe manipuloi qytetarët me shifra e fjalë”. Abelard Tahiri tha se se përgjegjësia e Qeverisë është hartimi dhe miratimi i politikave dhe ligjeve që forcojnë luftën kundër krimit. Por qe dy vjet qeveria ‘Kurti’ nuk ka miratuar asnjë politikë ose ligj që forcon luftën kundër kriminalitetit. Përkundrazi, ka marrë veprime që në fakt e dobësojnë sundimin e ligjit. Qe gati 5 muaj nuk e ka zgjedhur drejtorin e përgjithshëm të Policisë, për të cilën pozitë kishin aplikuar vetëm 5 kandidatë, ose 3%, nga ata të cilët kishin të drejtë të aplikonin. Ky numër tejet i vogël është pikërisht rezultat i ndërhyrjeve të vazhdueshme të kryeministrit Kurti në punën e Policisë, ndërhyrje që ka ndikuar që pjesëtarët e policisë të mos kenë besim e vullnet për të punuar me këtë qeverisje”, ka deklaruar Abelard Tahiri.
