Brickos

SHGV-Krusha organizon sot tubim sensibilizues me rastin e 30-të Gushtit-Ditës Ndërkombëtare për personat e zhdukur

SHGV-Krusha organizon sot tubim sensibilizues me rastin e 30-të Gushtit-Ditës Ndërkombëtare për personat e zhdukur

Me rastin e 30-të Gushtit-Ditës Ndërkombëtare për personat e zhdukur, SHGV-Krusha bashkë me Këshillin e fshatit Krushë e Madhe organizon tubim sensibilizues me 28 gusht 2019 në orën 19:00 në Kompleksin memorial në Krushë. Ndërsa më 30 Gusht 2019 në orën 09:00, në sheshin Zahir Pajaziti në Prishtinë, fillon Marshi Përkujtimor, për të arritur në orën 10:00 tek ‘Përmendorja dedikuar personave të zhdukur’ (përballë ndërtesës së Kuvendit). Vendosja e luleve tek ‘Përmendorja dedikuar personave të zhdukur’ fillon në orën 10:00, më 30 gusht 2019. Andaj, ftohen familjarë të të zhdukurve nga Krusha e Madhe dhe tërë Kosova që të bëhen bashkë për këtë çështje. Këta njerëz u kidnapuan e u zhdukën nga shteti serb dhe ende mbahen peng i politikës serbe. Edhe pas 21 vitesh ende shumë të zhdukur! Krushës së Madhe i mungojnë edhe 64 ndërsa tërë Kosovës edhe 1648! Presioni ndaj Serbisë duhet të rritet si nga ana jonë ashtu edhe nga miqtë ndërkombëtarë. Kërkojmë që kjo çështje të jetë temë e veçantë në bisedime ndërshtetrore përndryshe do të ngelin të zhdukur sikurse mijëra shqiptarë të vrarë po nga serbët ndër vite – thuhet në njoftim.

Kontrolloni gjithashtu

Arbëreshë Krasniqi: Personat me sindrom down janë pjesë e pandashme e shoqërisë

Sot në Malishevë, mbështetur nga Drejtoria për Arsim dhe Edukim, me rastin e shënimit të …