Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Prokurorial i Kosovës ka marrë sot një vendim të rëndësishëm për sistemin e drejtësisë, duke shkarkuar Besim Kelmendin nga pozita e Ushtruesit të Detyrës së Kryeprokurorit të Shtetit. Vendimi u mor me pesë vota pro, të cilat ishin të mjaftueshme për ta larguar Kelmendin nga funksioni më i lartë drejtues i Prokurorisë së Shtetit. Pas votimit, kryesuesi i KPK-së, Ardian Hajdari, konfirmoi rezultatin: “Me pesë vota për shkarkohet nga pozita ushtruesi i detyrës së Kryeprokurorit të Shtetit.” Në të njëjtën mbledhje, KPK vendosi që Agron Qalaj, deri më tani zëvendës i u.d. Kryeprokurorit të Shtetit, të marrë drejtimin e institucionit si ushtrues detyre. Ky ndryshim vjen në një moment kyç për sistemin e drejtësisë në vend dhe pritet të ndikojë në funksionimin e mëtejmë të Prokurorisë së Shtetit dhe në proceset që janë aktualisht në zhvillim. Më shumë detaje pritet të publikohen nga Këshilli Prokurorial i Kosovës në orët në vijim.
