Adem Demaçi

Shtatë buceta në garë për shtatoren e Adem Demaçit, njëra nga to përcaktohet të premten

 Komisioni Qeveritar për pranimin e ofertave për ndërtimin e shtatores së Adem Demaçit, sot kanë shqyrtuar ofertat e personave të interesuar për ndërtimin e kësaj shtatoreje. Takimet do të vazhdojnë edhe gjatë ditës së premte, ku edhe do të merret vendimi se kush do ta ndërtojë shtatoren e Demaçit. Komisioni i përbërë prej: Jahja Lluka, Zyra e Kryeministrit të Kosovës,  Ilir Muharremi, kritik i artit, Arjeta Miftari, skulptore, Avni Behluli, skulptor, Hydajet Hyseni  nga shoqata e të Burgosurve Politik do ta përzgjedhin shtatoren fituese. Sipas Ilir Muharremit u prezantuan shtatë buceta, kishte edhe portrete gjë që nuk kërkohej në kritere. “Bucetat e ofruara nuk ishin aq të mira derisa njëra prej i tyre i plotësonte kushtet estetike, të ngjashmërisë, kompozicionit dhe simbolikës,” tha ai.  Figura e Demaçit e bërë prej bronzit do të jetë e gjatë rreth katër metra. Qeveria e Kosovës për të ka ndarë 120 mijë euro. Po ashtu Qeveria e Kosovës ka marrë vendim që Parku i Qytetit të emërohet “Adem Demaçi”. Emrin e Demaçit do e mbajë edhe autostrada Prishtinë-Pejë.

 

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …