Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shteti i Serbisë vazhdon t’i fshijë nga regjistri i saj civil shqiptarët e Medvegjës. Banorët e kësaj komune në Serbi, në të cilën vlerësohet se jetojnë rreth 6 mijë shqiptarë, thonë se deri më tani mbi 5 mijë prej tyre janë fshirë nga ky regjistër, përmes pasivizimit të adresave. Profesori i Edukatës Qytetare në Medvegjë, Gani Krasniqi, thekson se këto masa kanë arritur kulmin në zgjedhjet lokale të vitit të kaluar, ku rreth 4 mijë shqiptarë nuk kanë mundur të votojnë pas largimit nga listat zgjedhore. Sipas tij, kjo ka bërë që nga 8 këshilltarë komunalë sa kishte Medvegja legjislaturën e kaluar, numri i tyre të zvogëlohet në vetëm tre. Nga këto masa nuk kanë shpëtuar as shumë shqiptarë me prejardhje nga ajo zonë, që jetojnë në Kosovë.
