Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Seanca e Kuvendit të Kosovës për zgjedhjen e Presidentit është shtyrë sërish gjatë ditës së sotme dhe është vendosur të vazhdojë në orën 19:00. Kryetarja e Kuvendit, Albulena Haxhiu, ka bërë të ditur vendimin pas ndërprerjes së dytë të seancës brenda ditës, duke theksuar se shtyrja është bërë në përpjekje për të siguruar pjesëmarrjen e opozitës. Ajo u ka bërë thirrje partive opozitare që të jenë të pranishme në vazhdimin e seancës, duke theksuar rëndësinë e respektimit të obligimeve kushtetuese dhe interesit publik në procesin e zgjedhjes së kreut të shtetit. “Në këto rrethana, për shkak të mungesës së opozitës dhe në përpjekje që ajo të jetë e pranishme në seancën për zgjedhjen e Presidentit të Republikës së Kosovës, si për obligimet kushtetuese ashtu edhe për interesin publik, ju njoftoj se kjo seancë vazhdon sot në orën 19:00”, deklaroi Haxhiu. Seanca për zgjedhjen e Presidentit po zhvillohet në një klimë të tensionuar politike, mes mungesës së konsensusit dhe pjesëmarrjes së pjesshme të deputetëve në proces.
