Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtari i Partisë Demokratike të Kosovës, Shukri Buja, ka propozuar ish-kryeparlamentarin Jakup Krasniqi si kandidat të mundshëm për president të vendit, përmes një postimi publik në rrjetin social Facebook. Buja ka theksuar se zgjedhja e tij e parë do të ishte ish-presidenti Hashim Thaçi, të cilin e cilëson si figurë me kontribut të madh shtetformues, por shtoi se, duke njohur qëndrimet e Lëvizjes Vetëvendosje dhe të koalicionit qeverisës, një kandidaturë e tillë do ta kishte të vështirë të siguronte mbështetjen e nevojshme politike. Sipas Bujës, refuzimi politik ndaj Thaçit nuk duhet të vlejë për figura të tjera të luftës dhe të shtetndërtimit, duke e përshkruar Krasniqin si personalitet atdhetar, me sakrificë dhe përkushtim institucional, i cili nuk përfaqëson interesa të ngushta partiake dhe nuk është figurë përçarëse. Ai vlerësoi se Jakup Krasniqi përfaqëson një emër që mund të shërbejë si kandidat konsensual për presidencën, duke kontribuar në unitetin politik dhe institucional të vendit në një moment të ndjeshëm politik.
