Si pasojë e vërshimeve në Pejë janë mbytur nëna me fëmiun e saj

25/06/2023 Lajmet

Drejtoria Rajonale e Policisë Pejë ka njoftuar se të shtunën në mbrëmje një fëmijë ka humbur jetën, ndërsa nëna e tij është e zhdukur, në lagjen “Asllan Qeshme”, si pasojë e vërshimeve në qytetin e Pejës. Më tutje në njoftim thuhet se rreth orës 23 e 10 minuta, policia është njoftuar nga Spitali Rajonal në Pejë, për pranimin e një fëmije 5-vjeçar pa shenja jete. “Policia ka kërkuar asistim edhe nga Njësia për Kërkim Shpëtim e FSK-së që të dalin në vendin e ngjarjes, për kërkimin e personit të zhdukur. Pas kërkimeve nga njësitet policore, rreth orës 01:20, të datës 25.06.2023, është gjetur gruaja e zhdukur. Vdekjen e saj e ka konstatuar një ekip mjekësor” thuhet në mes tjerash në njoftimin e Drejtorisë Rajonale të Policisë Pejë.

Kontrolloni gjithashtu

Ish-ministrja e Mbrojtjes e Maqedonisë së Veriut, Radmilla Shekerinska, është emëruar të martën zëvendëssekretare e Përgjithshme e NATO-s, njoftoi aleanca ushtarake. NATO-ja tha se shefi i aleancës, Mark Rutte, vendosi ta emërojë Shekerinskan si zëvendëssekretare të ardhshme. “Kam kënaqësinë të njoftoj emërim e Radmila Shekerinska si zëvendëssekretare të Përgjithshme. Ajo beson vërtet në NATO, e di punën që nevojitet për të qenë pjesë e aleancës, dhe çfarë do të thotë të jesh anëtar i plotë”, tha Rutte. Ajo do ta marrë zyrtarisht detyrën e re në fund të këtij viti, duke qenë se ka shërbyer në të kaluarën si zëvendësministre për Integrim Evropian dhe ministre e Mbrojtjes e Maqedonisë, përfshirë gjatë kohës kur vendi i saj iu bashkua aleancës së NATO-s më 2020. Shekerinska do ta zëvendësojë zëvendëssekretarin e Përgjithshëm në detyrë, Boris Ruge, i cili e mori këtë pozitë përkohësisht në fillim të vjeshtës, pasi zëvendëssekretari i atëhershëm, Mirçea Geoana njoftoi se do të garonte për president të Rumanisë.

NATO: Shqipëria dhe Kroacia aleatë kyç në dialogun Kosovë-Serbi mbetet prioritet

Zëvendëssekretarja e Përgjithshme e NATO-s, Radmila Shekerinska, ka komentuar takimin trilateral mes Kosova, Shqipëria dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara