leoni

Skenderaj komuna më e qetë në Kosovë

27/12/2016 Institucionet

Në mbledhjen e fundit për vitin 2016, këshilli komunal për siguri në bashkësi (KKSB) ka diskutuar për disa çështje që kanë të bëjnë më situatën e sigurisë në komunën e Skenderajt, funksionimin e KLSP-ve dhe EVSB-ve, përgatitjet për sezonin dimëror dhe për masat parandaluese për mënyrën e përdorimit të mjeteve piroteknike.

Në hapje të takimit nënkryetari i Komunës së Skenderajt Fadil Nura, është shprehur i kënaqur për aspektet e sigurisë së përgjithshme në komunën e Skenderajt, duke përmendur si shqetësues rritjen e numrit të aksidenteve në komunikacion. Më këtë rast z. Nura ka përmendur bashkëpunimin e mirë në mes të institucioneve lokale dhe Policisë së Kosovës.

Zëvendëskomandanti i Stacionit të Policisë në Skenderaj, toger Agim Idrizi, ka thënë se situata e përgjithshme e sigurisë në Skenderaj është e mirë, duke theksuar se Skenderaj vazhdon të mbetet komuna më e qetë në Kosovë. Toger Idrizi ka theksuar si shqetësues faktin se në periudhën 11 mujore të këtij viti krahasuar me të njëjtën periudhë të vitit të kaluar ka pasur rritje të numrit të aksidenteve në komunikacion. Ai po ashtu ka prezantuar shifrat e veprave penale të cilat janë më të ulëta se në periudhën e njëjtë të vitit të kaluar për 16.8 %. Ndërsa sipas të dhënave zyrtare është rritur numri i kundërvajtjeve për 13.2 %, që rrjedhimisht ka rritur edhe numrin e tiketave të shqiptuar për 20 %.

KKSB në këtë takim ka diskutuar edhe për funksionimin e trupave të tjerë të sigurisë siç janë KLSP-të dhe EVSB-të, ku u kërkua aktivitet më i madh në rritjen e efikasitetit të punës së tyre.

Ndërsa sa i përket përgatitjeve për sezonin dimëror dhe mirëmbajtjen e rrugëve, nënkryetari Nura ka theksuar se Komuna e Skenderajt ka bërë përgatitjet e nevojshme për mirëmbajtje dimërore të rrugëve, duke shpresuar edhe në ndihmën e qytetarëve dhe policisë në këtë drejtim.

Sa i përket masave parandaluese për mjetet piroteknike u konstatua se këtë vit deri më tani dukuria e përdorimit të mjeteve piroteknike nuk ka qenë shumë e shprehur, përkatësisht qytetarët kanë përdorur shumë më pak mjete të tilla se sa viteve të kaluara. Anëtarët e KKSB-së u informuan me një fushatë vetëdijesimi që ka ndërmarrë Qendra Rinore Publike në bashkëpunim me DKRS-në në ngritjen e vetëdijes së qytetarëve për rrezikun e përdorimit të pakontrolluar të mjeteve piroteknike.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara