Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Gjykatën Speciale, në Hagë u dëgjua dëshmitari i shtatë në gjykimin kundër eprorit të Ushtrisë Çlirimtare të Kosovës, Salih Mustafa. Dëshmitarja është dëgjuar nën masa mbrojtëse të sigurisë dhe një pjesë e dëshmisë së saj është mbajtur në seancë të mbyllur. Seanca e sotme gjyqësore kundër, Salih Mustafës ka filluar sot me rreth tre orë vonesë për shkak të problemeve teknike në gjykate. Kryetarja e trupit gjykues, ka thënë se një pjesë e madhe e dëshmisë së Zyrës së Prokurorit, dëgjohet në seancë të mbyllur. Në gjykimin kundër Salih Mustafës deri tani janë dëgjuar gjashtë dëshmitarë, të gjithë të mbrojtur, identiteti i të cilëve nuk është bërë i ditur për publikun. Gjykimi ka filluar më 15 shtator 2021 dhe është i pari në Dhomat e Specializuara të Kosovës në Hagë, e Salih Mustafa është i arrestuari i parë nga Specialja. Aktakuza ndaj Mustafës është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte.
