Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Shqipëri, në Kosovë, në Maqedoni, në Kosovën Lindore në Mal të Zi dhe kudo në mërgatë, festohet 7 Marsi, Dita e Mësuesit, një ngjarje me rëndësi arsimore, edukative dhe kulturore, ku të gjithë shqiptarët i kujtojnë me nderin e respekt mësuesit e parë të shkronjave shqipe.
Dita e Mësuesit shënohet me aktivitete të shumta tematike e kulturore në të gjitha trojet shqiptare.
Kjo ditë i kushtohet personelit edukues të shkollave dhe universiteteve dhe në këtë ditë, të gjithë së bashku nderojmë traditat më të mira të shkollës kombëtare shqipe, si dhe të figurës së mësuesit. Mësuesit shqiptarë në çdo kohe e në çdo krahinë kanë qenë jo thjeshtë profesionistë të arsimit, por në radhë të parë ishin patriotë dhe njerëz të emancipuar, humanë dhe artistë të fushave të ndryshme. Në mars të vitit 1887 në Korçë u hap Mësonjëtorja e parë shqipe. Në përkujtim të kësaj ngjarje të rëndësishme kulturore dhe historike, 7 marsi festohet si Dita e Mësuesit, kudo ndër shqiptarë, në trojet etnike dhe në mërgatë.
