Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot u mbajt manifestimi kushtuar 26 Korrikut, Ditës së Dëshmorëve të UÇK-së të Komunës së Shtimes. Me një varg aktivitetesh tematike, përkujtimore e kulturore, sot zyrtarë të komunës, veteranë e invalidë të luftës, familjarë të dëshmorëve dhe qytetarë liridashës përkujtuan 26 korrikun e vitit 1998, ditën e rënies dëshmor të luftëtarit të lirisë, Ruzhdi Salihu, në Zborc, që shënon edhe Ditën e Dëshmorëve të Shtimes me rrethinë.
Fillimisht u mbajtën homazhe te varrezat e dëshmorëve në Vojnovc, Belinc, Carralevë, Therandë, Kleçkë dhe në Koshare.
Homazhe u mbajtën edhe te shtatorja e Komandantit legjendar Adem Jashari, në qendër të qytetit.
Akademia përkujtimore u mbajt në Shtëpinë e Kulturës, ndërkohë që u bënë edhe vizita në sheshe, si dhe aksioni për dhurimin e gjakut në fshatin, Rashincë.
