Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues i Dhomave të Specializuara në Hagë ka njoftuar afatet e reja dhe urdhrat proceduralë që lidhen me përmbylljen e paraqitjes së argumenteve nga ekipet mbrojtëse në rastin ndaj ish-krerëve të UÇK-së. Përveç sesioneve të planifikuara nga 9 deri më 13 shkurt 2026, Gjykata ka caktuar edhe dy data shtesë për fjalët përfundimtare: 16 dhe 18 shkurt. Kështu, Specialja edhe këtë vit ka shmangur mbajtjen e seancave më 17 shkurt, Ditën e Pavarësisë së Kosovës — një praktikë që e ka ndjekur në dy vitet e fundit. Megjithatë, ky respektim ceremonial nuk ishte ndjekur në vitin 2023, kur pikërisht në 17 shkurt ishte caktuar një seancë ndaj Hashim Thaçit dhe bashkë të akuzuarve.
