Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tre persona, përfshirë vëllezërit Dragisha dhe Jovan Viqentijeviq dhe Igor Dimoviq, janë paraqitur sot në gjykatë në shqyrtimin fillestar për sulmin ndaj Ibër Lepencit, një pjesë kritike të infrastrukturës së furnizimit me ujë dhe energji elektrike në Kosovë. Sipas Prokurorisë Speciale, më 29 nëntor 2024, të akuzuarit, së bashku me disa persona të panjohur, vendosën rreth 20 kilogram trinitrotoluene në kanalin e Ibër Lepencit, duke shkaktuar një shpërthim që dëmtuan rëndë strukturën e betonit dhe ndërprenë furnizimin me ujë të pijshëm për qytetarët e disa komunave. Aktakuza përmend se veprimet e tyre krijuan rrezik serioz për jetën e qytetarëve dhe penguan furnizimin me energji elektrike nga KEK-u, duke shkaktuar dëme materiale mbi 376 mijë euro. Prokuroria e cilëson këtë sulm si një akt të rrezikshëm dhe të qëllimshëm kundër infrastrukturës kritike dhe sigurisë së shtetit, duke evidentuar seriozitetin e këtyre veprimeve.
