Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Supreme e Kosovës ka ndryshuar sot vendimin e Panelit Zgjedhor për Ankesa dhe Parashtresa, i cili vetëm pak ditë më parë e kishte dënuar Partinë Demokratike të Kosovës, me gjobë prej 5,500 eurosh për gjuhën e përdorur nga Sami Lushtaku ndaj Lëvizjes Vetëvendosje. Sipas Supremes, ankesa e PDK-së është pranuar si e bazuar, duke rrëzuar kështu vendimin e PZAP-së dhe duke refuzuar si të pabazuar ankesën e Vetëvendosjes. “Pranohet si e themeltë ankesa e PDK-së… dhe ndryshohet vendimi i PZAP-së… duke vendosur që të refuzohet si e pathemeltë ankesa e Lëvizjes Vetëvendosje”, thuhet në aktvendim. Ky vendim i Supremes përbën një fitore ligjore për PDK-në, ndërsa për Vetëvendosjen është një goditje në përpjekjet për të ndëshkuar gjuhën e ashpër politike në prag të zgjedhjeve. Ky rast vjen në një kohë kur fushata zgjedhore është ndezur me akuza të ndërsjella mes partive, ndërsa tensionet verbale janë bërë shenjë dalluese e garës. Vendimi i Supremes, megjithëse juridikisht i qartë, pritet të hapë debate politike për standardet e komunikimit publik dhe rolin e institucioneve në kufizimin e gjuhës denigruese gjatë fushatave.
