Task Forca për arsim në nivel komunal mbajti një takim të rregullt konsultativ

Është mbajtur takimi i rregullt i Task Forcës për arsim në nivel komunal të komunës së Rahovecit, në të cilin u analizua gjendja në arsim pas paraqitjes së 2 rasteve të mësimdhënësve të infektuar me Covid 19. Task-forca për arsim në nivel komunal përbëhet nga përfaqësuesit e institucioneve si, Kryetari i Komunës së Rahovecit Smajl Latifi, Avni Morina drejtor i Drejtorisë për Arsim, Afrim Limani drejtor i Drejtorisë për Buxhet e Financa, Samir Mustafa drejtor i Drejtorisë për Shëndetësi dhe Mirëqenie Sociale dhe Mejdi Shehu Inspektor Sanitar. Sipas, drejtorit Avni Morina i cili raportoi para kësaj task-force, tha se dy të infektuarit tashmë janë izoluar së bashku me familjarët e tyre dhe po u përmbahen udhëzimeve të QKMF-së, IKSHPK-së dhe Task Forcës Komunale. Procesi mësimor në shkollat e komunës së Rahovecit po vazhdon në përputhje me planin e punës së Task Forcës Komunale dhe Task Forcave të Shkollave. Shkollat janë të pajisura me dezinfektues dhe me të gjitha pajisjet higjienike.

Kontrolloni gjithashtu

Drejtoria Komunale e Arsimit në Deçan ka filluar me procesin e hartimit të Planit Zhvillimor Komunal të Arsmit 2024 – 2027

Drejtoria Komunale e Arsimit në Deçan ka filluar me procesin e hartimit të Planit Zhvillimor …