Të gjitha mostrat e djeshme dhe të sotshme nga Malisheva, kanë dalë negative

20/06/2020 Institucionet

Situata me COVID-19 në territorin e Komunës së Malishevës, vazhdon të mbetet stabile dhe pa raste të reja, duke e ruajtur gjendjen pa asnjë rast aktiv. Po ashtu të gjitha mostrat apo testet e kryera, në dy ditët e fundit kanë rezultuar negative dhe këto analiza janë të konfirmuara në rrugën e komunikimit zyrtar në mes të Komunës së Malishevës dhe Institutit Kombëtar të Shëndetësisë Publike të Kosovës. Situata me CVID-19, në territorin e Komunës së Malishevës, është duke u mbikëqyrur në vazhdimësi nga shtabi emergjent komunal, pasi virusi është prezent dhe kohëve të fundit rastet në vend janë rritje, prandaj, edhe sot ju bëhet thirrje qytetarëve që të vazhdojnë ti respektojnë masat mbrojtëse. Nënkryetari i Komunës së Malishevës, Hajdin Berisha, në emër të shtabit komunal emergjent, ju ka bërë apel qytetarëve të Komunës së Malishevës, që të vazhdojnë të mbajnë maska, të ruajnë distancën, të mbajnë higjienën e duarve dhe t’iu ikin grumbullimeve të mundshme, me qëllim të ruajtjes së shëndetit të qytetarëve. Po ashtu edhe inspektorati komunal në Malishevë, është në monitorim të vazhdueshëm të subjekteve afariste, me qëllim që subjektet afariste të respektojnë masat mbrojtëse, të vendosura nga institucionet përgjegjëse shëndetësore.

Kontrolloni gjithashtu

Kryetari Haliti uron besimtarët ortodoks me rastin e festës së Pashkëve

Kryetari i komunës së Vitisë Sokol Haliti ka uruar besimtarët ortodoks me rastin e festës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara