leoni

Të gjitha rrugët e komunës së Klinës të kalueshme

06/01/2017 Institucionet

Bora që ka filluar të bie në orët e hershme të mëngjesit të së enjtes në Komunën e Klinës në disa fshatra ka krijuar vështirësi në qarkullimin e automjeteve. Por me intervenimin e autoriteteve komunale përmes kompanisë së kontraktuar, rrugët janë bërë të kalueshme në zonat urbane dhe rurale. Që në orët e hershme të mëngjesit Kompania e kontraktuar nga Komuna ka intervenuar në pastrimin e rrugëve të Sferkës, Volljakut, Dushit, Ujmirit, Jashanicës, Siqevës, Dobërdolit, Çabiqit, Kpuzit, Qeskovës, Shtupelit e rrugë të tjera si dhe në qytetin e Klinës. Në terren kanë dalë edhe zyrtarët komunalë të Drejtorisë së Shërbimeve Publike bashkë me inspektorë, të cilët nga afër po përcjellin gjendjen. Katër kamionë janë duke punuar pandërprerë në pastrimin e rrugëve në të gjitha pjesët e Komunës së Klinës sidomos në zonat malore, ku në mëngjes është raportuar për sasi më të madhe të borës. Komuna është në gjendje gatishmërie për të intervenuar aty ku është e nevojshme për të krijuar lehtësi në lëvizjen e qytetarëve. Si rezultat i intervenimit të shpejt, të gjitha rrugët si në qytet po ashtu edhe pjesët rurale janë plotësisht të kalueshme. Zyrtarët komunalë apelojnë te shoferët e automjeteve që të mos dalin në rrugë pa pajisje dimërore dhe të kenë kujdes në ngasjen e automjeteve.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara