Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me nismën e Drejtorisë së Shëndetësisë dhe Mirëqenies Sociale dhe në bashkëpunim me Drejtorinë e Arsimit të komunës së Ferizajt, ditë më parë të gjitha shkollat e Komunës së Ferizajt janë pajisur me çanta të ndihmës së parë. Për këtë qëllim në Qendrën Trajnuese u mbajt trajnimi për dhënien e ndihmës së parë me arsimtarët dhe profesorët e edukatës fizike të këtyre shkollave. Në hapjen e këtij trajnimi ishin të pranishëm drejtori i DSHMS-së, Dr.Kemajl Emini, drejtori i DKA-së, z. Afrim Llabjani dhe zëvendësdrejtori i QKMF-së, Dr. Afrim Abazi, të cilët e cilësuan si shumë të rëndësishëm dhe uruan punë të mbarë gjatë këtij trajnimi. Trajnimi u mbajt nga infermierët, Ali Shaqiri, Afërdita Muharremi dhe Selim Bega trajnerë të QTM-së. Te pranishmit ishin shumë te interesuar dhe mirënjohës për trajnimin e organizuar si dhe kërkuan qe këto trajnime të organizohen edhe në të ardhmen pasi janë shumë të nevojshme. Përndryshe, në grupin e parë ishin arsimtarët e shkollave të mesme të ulëta, kurse trajnimi do të vazhdon me grupin e dytë, me profesorët e shkollave të mesme të larta.
