Kryetari i vendit Hashim Thaçi, ka dekoruar ambasadorin Zalmay Khalilzad, me medaljen “Urdhri i Pavarësisë”. Thaçi tha se Zalamay Khalilzad në Kosovë më së miri e njohim si ambasador i kryetarit Bush në Kombet e Bashkuara, në kohën kur Kosova përgatitej të shpallë Pavarësinë dhe kur ambasadori Khalilzaf ka përkrahur aspiratat e Kosovës për liri dhe pavarësi. Thaçi theksoi se ambasadori Khalilzad e kishte bërë Kosovën çështje kryesore të kryesimit të radhës të Këshillit të Sigurimit nga SHBA dhe se ai dhe presidenti Bush e kanë thënë qartë se çështja e Kosovës nuk mund të zvarritet. Thaçi u shpreh se mirënjohja që i ndahet sot është mirënjohje nga institucionet dhe populli për angazhimin e tij për lirinë dhe pavarësinë e vendit. “Por mirënjohjen tonë e shprehim duke punuar për Kosovën si shtet i ri duke i kultivuar raportet me SHBA-të”, u shpreh Thaçi.
Kontrolloni gjithashtu
Krasniqi: Politikanët që përdorin gjuhë të dhunshme fitojnë poenë në sytë e publikut
Profesori universitar, Milazim Krasniqi ka vlerësuar se disa nga politikanët që po përdorin gjuhë të …