Hashim Thaçi

Thaçi: Për ndërtimin e një të ardhme të mirë, nuk duhet të mbetemi peng i së kaluarës

Kryetari i Kosovës, Hashim Thaçi, tha se komisioni për të Drejtën dhe Pajtimin synon që të krijohet një mekanizëm mbështetës për dialogun e brendshëm ndërmjet  komuniteteve, do të jetë një komision i pavarur, i paanshëm, jo i udhëhequr nga shteti por i mbështetur fuqishëm nga të gjithë. Duke folur në takimin e parë konsultativ për themelimin e këtij komisioni Thaçi tha se në Kosovën e pasluftës diçka e rëndësishme ka mbetur pa u prekur. Dhimbja e shkaktuar nga lufta po rendon në  zemrën e secilit qytetar të Kosovës, me armiqësitë që ka shkaktuar lufta.  Shoqëria  nuk mund të ndërtojë të  ardhme të mirë nëse  mbetet peng i së kaluarës, prandaj sot po prezantoj idenë time për një të ardhme më  të mirë, ka deklaruar ai. Sipas tij vuajtja është e njëjtë për secilin prind  pa marrë parasysh përkatësinë etnike. Qëllimi i themelimit të këtij komisioni, është nisja e një jete të re për të gjithë qytetarët duke falur por duke mos harruar, ka përfunduar Thaçi.

Kontrolloni gjithashtu

Kuvendi dështon të zgjedhë nënkryetarin nga komuniteti serb

Kuvendi i Kosovës ka dështuar të zgjedhë nënkryetarin nga komuniteti serb, pasi asnjëri prej deputetëve …