Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i ri i Kosovës, Hashim Thaçi ka përkujtuar sot përvjetorin e demonstratave të vitit 1981, ku sipas tij, u tregua vendosmëria e rinisë së Kosovës për përparimin e të drejtave politike dhe kombëtare të shqiptarëve nën ish-Jugosllavi. “Demonstratat dhe protestat e fuqishme të pranverës 1981 kulmuan në datat 1 dhe 2 prill të atij viti, duke treguar vendosmërinë e të rinjve të Kosovës, studentëve, punëtorëve dhe inteligjencies së re për pëparimin e të drejtave politike dhe kombëtare të shqiptarëve nën ish Jugosllavi. Para 35 viteve, në qendër të Prishtinës, ranë heroikisht, në ballë të demonstratave të 2 prillit maturantët Naser Hajrizi dhe Asllan Pireva. Demonstratat e vitit 1981 janë ngjarje historike dhe bazë e fuqishme e lëvizjes për liri dhe pavarësi të Kosovës. Lavdi të gjithë të rënëve në demonstratat e vitit 1981”, thuhet në shkrimin e kryetarit të vendit, Hashim Thaçi.
