Autoritetet amerikane ndalojnë disa prodhime të dyshimta serbe

02/04/2016 Lajmet

Autoritetet amerikane kanë marrë vendim që të ndalojnë importin e dy lloj krem-bananeve që prodhohen në Serbi si dhe një sërë imputesh bujqësore, për shkak të cilësisë së tyre të dyshimtë. Këto prodhime, sipas Organizatës amerikane për prodhime ushqimore dhe medicinale, kanë përmbajtje të paligjshme dhe të padeklaruar të shtesave. Bëhet fjalë për krem-bananet ‘Bananica’ të kompanisë ‘Soko Stark Doo’ si dhe në ‘Choco Banana’ të kompanisë ‘PIK Takovo’. Po kështu, autoritetet amerikane kanë përfshirë në listën e prodhimeve të dyshimta edhe prodhimet e kompanisë bujqësore “Alltech-Fermin a.d”. Në vendimin e autoriteteve amerikane të sigurisë së ushqimit kërkohet që çdo import nga Serbia të ndalohet e të ekzaminohet. Ndërkohë, për fat të keq, në tregun e Kosovës të gjitha këto prodhime të dyshimta serbe janë jo vetëm të pranishme, por edhe vazhdojnë të blihen nga konsumatorët. Kjo nuk është hera e parë kur në prodhimet serbe evidentohen përmbajtje të dëmshme e kancerogjene, madje disa kompani serbe kanë krijuar linja të dyta prodhimi enkas për tregun e Kosovës.

Kontrolloni gjithashtu

AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë

AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë

Aleanca për Ardhmërinë e Kosovës ka festuar  24-vjetorin e  themelimit, me një takim të organizuar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara