U bë shpërndarja e librave për nxënësit fitues të garave edhe në Komunën e Deçanit

24/12/2019 Institucionet

Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, ka filluar shpërndarjen e librave për fituesit e nivelit komunal të garës nacionale në Kreativitet Kulturor dhe Mendim Kritik dhe garës nacionale të Diturisë. U janë shpërndarë libra 249 nxënësve fitues të komunës së Deçanit, prej tyre 82 të KKMK dhe 74 të Diturisë, ndërsa 93 nxënës fitues të klasave të para dhe të dyta të nivelit shkollor të garës së diturisë të cilët për shkak të moshës nuk e kanë vazhduar garën më tej. Koordinatori Hoti i përgëzoi nxënësit për suksesin dhe tha se ata dëshmojnë se pa arsim të tjerat nuk kanë rëndësi. “Të dashur nxënës, ju që jeni të parët në Kreativitet Kulturor dhe Mendim Kritik dhe në Dituri, ju që sot dëshmoni se truri i Kosovës është brilant, ju që dëshmoni se arsimi është diell dhe pa arsim as liria e as trashëgimia nuk ka kuptim, për ju ne sot kemi kënaqësinë të ndajmë nga një set libra, të cilët ua kemi premtuar dhuratë për arritjet tuaja. Me këto shpërblime po realizohen të gjitha premtimet për nxënësit. Suksese dhe qofshi gjithmonë faqebardhë”, tha Hoti. Drejtori Komunal i Arsimit në Deçan, Bekim Vishaj, tha se jemi bashkë këtu për të shpërndarë dhuratat për suksesin e nxënësve për çka e falënderoi Koordinatorin Hotin, Kryetarin e Komunës Bashkim Ramosaj, dhe të gjithë të pranishmit. “Nxënës të dashur, sot jemi mbledhur këtu së bashku me Koordinatorin Nacional për Kulturë, Rini dhe Sport që me kënaqësi të shpërndajmë nga një set libra për të gjithë ju fitues të kësaj dhurate të çmuar. Libra të autorëve të ndryshëm me famë botërore të cilat do i merrni ju, si dhuratë për suksesin tuaj”, tha Vishaj. Ceremonia e shpërndarjes së librave u zhvillua në praninë e zyrtarëve institucional, drejtorëve të shkollave, mësimdhënësve e nxënësve, të pranishëm ishin edhe prindër e qytetarë të tjerë.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara