U  mbajt mbledhja e shtatë dhe e fundit për këtë vit e Këshillit Komunal për Siguri në Bashkësi në komunën e Vitisë

21/12/2023 Institucionet

Gjendja e Sigurisë në Komunën e Vitisë, është vlerësuar e qetë dhe stabile dhe krahasuar me vitin e kaluar, këtë vit janë shënuar më pak raste  që prishin rendin dhe qetësin publike, u tha në mbledhjen e shtatë të rregullt të Këshillit Komunal për Siguri në bashkësi për komunën e Vitisë. Zv. Kryetari i komunës Hasan Aliu, kryesues i këtij këshilli, duke folur rreth situatës së sigurisë, tha se ka qenë një periudhë  kryesisht e qetë dhe stabile, përkundër disa rasteve aksidentale, konkretisht rastit të fundit në Gërmovë ku humbi jetën një qytetare e komunës së Vitisë, si pasojë e një aksidenti të komunikacionit. Ai gjithashtu kërkoi një angazhim që situata e sigurisë të jetë e tillë edhe në ditët në vazhdim, kur kemi ardhje të mërgimtarëve për pushimet dimërore, si dhe kremtimin e festave të fundvitit, në mënyrë që të kalohen ato pa eksese. Togeri Burim Musliu, nga stacioni policor në Viti, bëri të ditur një raport një mujor të rasteve që kanë ndodhur në komunën e Vitisë, ku tha se për gjatë periudhës nga mbledhja e fundit e KKSB-së, në fillim të nëntorit e deri më tani, kanë ndodhur 4 raste të dhunës në familje, 1 aksident me fatalitet, 8 persona të arrestuar për grabitje. Ndërkohë duke  folur për periudhën e raportimit një vjeçar, togeri Musliu theksoi se gjatë vitit që po e lëmë pas, pra 2023, krahasuar me vitin e kaluar. Kemi më pak raste për 10 %. Sa i përket aksidenteve në komunikacion, vitin 2022 janë shënuar 96 aksidente, kurse gjatë vitit 2023, janë 76 raste. Në këtë mbledhje, koordinatori i EVSB-së Imri Emërllahu, paraqiti një sërë kërkesash dhe shqetësimesh të qytetarëve të komunës së Vitisë, si nevoja prioritare që kërkojnë zgjidhje që lidhen me rrezikshmërinë në rrugë, shenjave të komunikacionit, qentë endacak  etj. Në këtë mbledhje, u prezantua plani i punës së KKSB-së për vitin 2024, sikur edhe u dha një Informatë rreth raportit të punës së këtij këshilli për periudhën janar-dhjetor 2023, të cilat i paraqiti Ibadete Hyseni, zyrtare për Barazi Gjinore dhe anëtare e KKSB-së. Në fillim të kësaj mbledhje, para se të votohej për rendin e ditës, disa nga anëtarët e këtij këshilli paraqitën shqetësimin e mos kompensimit të anëtarëve për mbledhjet e mbajtura këtë vit, gjë që rezultoi edhe me lëshimin e mbledhjes nga tre anëtarët e KKSB-së, Bujar Ostërgllava, Adnan Zenuni e Shyqeri Halabaku.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara