U mbajt mbledhja e tretë e rregullt e Këshillit për Siguri në Bashkësi

20/08/2020 Institucionet

 Këshilli për Siguri në Bashkësi i komunës së Vitisë, ka mbajtur mbledhje të rregullt. Në fillim të këtij takimi kryetari i Komunës së Vitisë Sokol Haliti, i ka njoftuar ata mbi gjendjen e pandemisë në këtë komunë, konkretisht mbi menaxhimin e situatës, personave të infektuar, shëruar apo të vdekur nga virusi COVID-19. Ndërkaq Komandanti i Stacionit Policor në Viti, Kapiten Afrim Halili, tha se gjatë kësaj kohe gjendja e sigurisë në këtë komunë ka qenë e qetë dhe stabile. Ai tha se ka ulje të theksuar të rasteve të kriminalitetit, vjedhjeve por që edhe gjendja në trafik ka qenë më e mirë dhe atë duke e bazuar me periudhën e njëjtë të vitit të shkuar. Gjithashtu në këtë takim disa antarë të këtij këshilli kanë ngritur çështjen e rikthimit të nxënësve në bankat shkollore. Me këtë rast Drejtori i DKA-së, Basri Aliu tha se akoma nuk ka vendim përfundimtar për këtë nga MASHT-i. Ndërkaq disa rekomandime janë dhënë edhe nga antarët: Imri Emerllahu, Adnan Zenuni, Bujar Ostrogallava si dhe Avdyl Misini i cili tha se Këshilli i Prindërve të nxënësve është për rikthimin e nxënësve në bankat shkollore por me mjete mbrojtëse kundër përhapjes së virusit COVID-19.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara