U mbajt një punëtori që synon mbështetjen e grave për krijimin e organizatave sindikale

02/09/2021 Institucionet

Organizuar nga Drejtoria për Bujqësi e Pylltari në Viti, të enjtën është mbajtur një takim me bizneset dhe menaxherët e resurseve humane nga sektori privat, në kuadër të projektit “Punë të denjë për gratë”. Qëllimi i këtij projekti, është përmirësimi i cilësisë së punësimit për gratë në Kosovë, përmes adresimit të diskriminimit në vendin e punës dhe zbatimin e legjislacionit që lidhet me grat dhe punën. Projekti “Punë të denjë për gratë” është pjesë e Programit të Drejtësisë Sociale, që ndër të tjera synon pjesëmarrjen aktive të grave dhe grupeve të ndjeshme në dialogun social. Gjithashtu, kontribuon në drejtësi më të madhe sociale duke e përmirësuar zbatimin e të drejtave të punës dhe legjislacionit. Në këtë takim ishte i pranishëm edhe kryetari i komunës Sokol Haliti, i cili ka ritheksuar mbështetjen e Institucioneve komunale për projektet e grupeve të grave, si dhe mbështetjen e vazhdueshme në përfshirjen e tyre në organet vendimmarrëse. Haliti po ashtu ka përmendur edhe një varg projektesh që janë realizuar në komunën e Vitisë nga grupet e grave dhe ka shprehur gatishmërinë që edhe në të ardhmen, të mbështesë iniciativat që e forcojnë pozitën e gruas në shoqëri. Ky takim është mbështetur nga IKS (Iniciativa kosovare për Stabilitet) që është një institut kërkimor i pavarur, jo fitimprurës e që fokusohet në hulumtime epirike dhe analiza të zhvillimeve socio-ekonomike në Kosovë, ndërsa mbështetet nga Ambasada holandeze në Kosovë.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara