Në një sondazh të publikuar nga Ubo Cosulting, nëse zgjedhjet do të mbaheshin të dielën, del se 48 % e qytetarëve të Kosovës do të merrnin pjesë në votime. Në një sondazh të realizuar këtë muaj, 24.1 % e qytetarëve kanë thënë se do të votojnë për Partinë Demokratike të Kosovës, ndërkaq 23.3 % e tyre, kanë thënë se do të votojnë për Lëvizjen Vetëvendosje, kurse LDK ka dalë e treta me 19.7 %. Papunësia, luftimi i korrupsionit dhe zhvillimi ekonomik, janë tri prioritetet kryesore që sipas qytetarëve, partitë politike duhet të fokusohen gjatë përpilimit të programeve zgjedhore për zgjedhjet e ardhshme.
