Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ujësjellësi rajonal Prishtina ka bërë të ditur se cilësia e ujit të pijes është njëqind për qind i sigurt për konsum. Cilësia e ujit është e kontrolluar dhe testuar me analiza fiziko-kimike dhe bakteriologjike sipas parametrave të cilët janë në Listën A dhe C në udhëzimin administrativ për cilësinë e ujit për konsum nga njeriu, thuhet në komunikatën për media. Numri i mostrave të ujit për pije për analizën fiziko – kimike në gjashtë muajt e ardhshëm supozohet të jetë afro 6.850.
“Me monitorim të shpejtë, bazik dhe vijues çdo ditë do të bëhet mostrimi dhe analiza e ujit që prodhohet dhe distribuohet nga fabrikat e ujit në Albanik ,Badovc dhe Shkabaj (Ibër-Lepenc) nga objektet prodhuese Kastriot dhe Kroni, pastaj monitorimi javor i ujit që prodhohet në objektet prodhuese Shtime, Lipjan, Drenas dhe në Besianë ë si dhe analiza e ujit në tre rezervuarët në qytet”, thuhet më tej në komunikatë. Ujësjellësi rajonal Prishtina njofton se numri i mostrave të ujit për pije për analizën fiziko-kimike në vitin 2019 planifikohet të jetë afro 13.650 dhe se paralelisht me laboratorin e akredituar, analizat bëhen çdoherë edhe nga Instituti i Shëndetit Publik të Kosovës.
