KEK
Fillimi / Njoftime / Universiteti i Gjakovës i jep titullin “Doctor Honoris Causa” – Post mortem ish Kongresistit Thomas Peter ‘Tom’ Lantos
Universiteti i Gjakovës i jep titullin “Doctor Honoris Causa” - Post mortem ish Kongresistit Thomas Peter ‘Tom’ Lantos

Universiteti i Gjakovës i jep titullin “Doctor Honoris Causa” – Post mortem ish Kongresistit Thomas Peter ‘Tom’ Lantos

Senati i Universitetit të Gjakovës “Fehmi Agani” në mbledhjen e mbajtur më datë 17 korrik 2020, mori  vendim për dhënien e titullit “Doctor Honoris Causa” – Post mortem për ish Kongresistin amerikan z. Thomas Peter ‘Tom’ Lantos, më motivacionin: “Për merita dhe kontribut të jashtëzakonshëm për konsolidimin e paqes dhe promovimin e vlerave njerëzore, për mbështetjen e përhershme në procesin e lirisë dhe pavarësisë së Republikës së Kosovës”.
Universiteti i Gjakovës, iu përgjigj pozitivisht iniciativës së filluar nga Shoqata “Miqtë e Amerikës”, që u përkrah edhe prej institucioneve qendrore të Republikës së Kosovës, Kosovo Jewish Organization, komunitetit hebrej në Kosovë, organizatave studentore të UGJFA-së dhe shoqërisë civile.
Ceremonia e dhënies së titullit do të organizohet në momentin e përshtatshëm dhe në koordinim me institucionet relevante.

Tom Lantos ishte pjesë e Kongresit amerikan nga viti 1980 deri më 2008 dhe nga viti 2007 ishte kryetar i Komisionit për Marrëdhënie me Jashtë në Dhomën e Përfaqësuesve si i mbijetuar i  Holokaustit. Ishte ndër
kongresistët e parë amerikan që e vizitoi Kosovën në një periudhë të vështirë në qershor të vitit 1990. Z. Lantos ndikoi shumë në ngritjen e çështjes së Kosovës tek institucionet më të larta vendimmarrëse në SHBA.

Është nder dhe privilegj që UGJFA-ja të dekorojë më titullin më të lartë ish Kongresistin amerikan Tom Lantos, që bëri shumë për lirinë dhe pavarësinë e Kosovës, tha në arsytimin e vendimit para Senatit, rektori i Universitetit të Gjakovës “Fehmi Agani”,  Prof. Ass. Dr Artan Nimani.

Kontrolloni gjithashtu

Të premten në orën 20:00 ndizen qirinj në nderim të viktimave të gjenocidit serb në Kosovë

Të premten në orën 20:00 ndizen qirinj në nderim të viktimave të gjenocidit serb në Kosovë

Të gjithë shqiptarëve nëpër botë janë ftuar nga Qendra “Gjenocidi në Kosovë-Plagët e Hapura” që ...