Urimi i kryetarit Bahtiri për Festën e Bajramit të Madh

04/07/2016 Institucionet

Me rastin e festës së fitër Bajramit, kryetari i komunës së Mitrovicës Agim Bahtiriju  i uron të gjithë besimtarët mysliman ku do ku janë e në veçanti qytetarët mitrovicas, duke e konsideruar këtë festë më të dobishme dhe më të bekuar për myslimanët.

Jam i bindur se kjo festë e madhe që përmbyll Muajin e Madhërishëm të Ramazanit, do t’i gëzoj dhe gjej të lumtur të gjithë besimtarët e fesë islame, të cilët gjatë ditëve të gjata e të nxehta që mbretëruan gjatë këtij muaji të bekuar, duke kryer obligimin e tyre të agjërimit, treguan devotshmërinë,  përkushtimin dhe dashurinë e  tyre të madhe ndaj Zotit të plotfuqishëm.

Të shpresojmë se për këtë dashuri dhe besim të shprehur, Zoti do të na shpërblej, duke na udhëzuar që të jemi edhe më të devotshëm në të ardhmen.

Duke qenë se kremtimi i kësaj feste na jep emocion të veçantë, na jep elan dhe na mobilizon maksimalisht në punët tona fetare dhe të tjera, uroj që të kemi respekt ndaj njëri-tjetrit, që të jetojmë në harmoni me të tjerët, që të ndihmojmë edhe më shumë njerëzit në nevojë, që të jemi më të urtë e më të mençur në përballimin me sfidat që na presin, sidomos neve këtu në Mitrovicë.

E pra qytetarë të nderuar të besimit myslimanë dhe ju drejtues të Bashkësisë Islame, gjithmonë paçi në shtëpitë tuaja mirësi e begati dhe Zoti ua pranoftë agjërimin dhe adhurimet që keni kryer gjatë muajit të bekuar të Ramazanit.

Zoti e bekoftë Mitrovicën dhe qytetarët e saj.

Kontrolloni gjithashtu

Në komunën e Ferizajt po zhvillohet program trajnimi 5 ditor me mësimdhënësit

Në përkrahje për arsimin fillor dhe të mesëm të lartë, këto ditë po zhvillohet program …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara