Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Bujanoc është vandalizuar posteri që promovon koncertin në kuadër të “Ditëve të Komandant Lleshit”, pjesë e një manifestimi kulturor dhe përkujtimor.
Kryetari i komunës, Arbër Pajaziti, e dënoi fuqishëm aktin, duke e cilësuar si një sulm të papranueshëm ndaj kujtesës historike të shqiptarëve.
Ai theksoi se dëmtimi i posterit dhe thyerja e xhamit nuk janë vetëm një veprim kundër një materiali, por edhe goditje ndaj përpjekjeve për nderimin e figurave që dhanë gjithçka për liri.
Pajaziti shtoi se ky akt nuk pasqyron vlerat e qytetarëve të Bujanocit dhe të një komuniteti që jeton në respekt dhe tolerancë.
Ai i bëri thirrje autoriteteve që të hetojnë rastin me seriozitet dhe të nxjerrin autorët para drejtësisë.
Manifestimi “Ditët e Komandant Lleshit” do të vazhdojë sipas planit, me dinjitet dhe krenari.
Komandant Ridvan Qazimi, i njohur si Komandant Lleshi, ishte një nga figurat kyçe të Ushtrisë Çlirimtare të Preshevës, Medvegjës dhe Bujanocit.
Ai u vra më 24 maj 2001 në fshatin Tërnoc i Madh, duke mbetur simbol i rezistencës në Luginën e Preshevës.
Ngjarja ka shkaktuar reagime të shumta, me kërkesa për unitet dhe mbrojtje të trashëgimisë historike.
Autoritetet lokale kanë garantuar se siguria e manifestimit do të jetë në fokus maksimal.
