Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më Pesëmbëdhjetë Janar!
(Në ditën e Gjenocidit në Kosovë)
Më Pesëmbëdhjetë Janar,
Të gjitha plagët bëhen bashkë
Dhe krijojnë hartën e ndërgjegjes njerëzore
Me emrin “Plagë e hapur – Kosovë”.
Më Pesëmbëdhjetë Janar
Vuajtjet, Dhembjet, Vdekjet
Qëndrojnë te Varrezat e Dëshmorëve
Me lule në dorë.
Më Pesëmbëdhjetë Janar
Të gjithë emrat e viktimave, dëshmorëve dhe heronjve
krijojnë një emër Shqipëri!
Më Pesëmbëdhjetë Janar
Reçaku, Obria, Prekazi, Krusha e Madhe …
Bëhen bashkë dhe kujtojnë
Njëmijë e Gjashtëqind e tridhjetë shqiptarë të zhdukur e të pagjetur,
Të cilët, rëndojnë frymëmarrjen shqiptare!
Kujtojnë me mijëra e mijëra të vrarë e të masakruar
Të cilët, rëndojnë kujtesën Kombëtare.
Një milion e njëqindmijë e njëqind e një plagë,
Në mes Errësirës dhe Dritës
Në mes Lirisë dhe Vdekjes
Në mes të kaluarës dhe të ardhmes,
Kërkojnë Drejtësi!
Zyrih, 15 janar 2022
Vaxhid Sejdiu
