Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Kushtetuese, përmes një njoftimi për media, bën me dije se e ka shqyrtuar kërkesën e deputetit Bilall Sherifi, njëherësh edhe shef i deputetëve të Nismës Socialdemokrate dhe 29 deputetë të tjerë të Kuvendit të Republikës së Kosovës, në lidhje me vendimin e presidentit të Kosovës, Hashim Thaçi për emërimin e anëtarëve të Këshillit Qendror Zgjedhor. Objekt i çështjes së kërkesës ishte vlerësimi i kushtetutshmërisë së vendimeve të Presidentit të Republikës së Kosovës për emërimin e anëtarëve të Komisionit Qendror të Zgjedhjeve të Republikës së Kosovës: Qemajl Kurtishi si anëtar i KQZ-së nga komuniteti boshnjak; Stevan Veselinović si anëtar i KQZ-së nga komuniteti serb; Erxhan Shpat si anëtar i KQZ-së nga komuniteti turk; Alfred Kinolli si anëtar i KQZ-së, si përfaqësues i komuniteteve rom, ashkali dhe egjiptian; si dhe Nazlie Bala, Adnan Rrustemi, Florian Dushi dhe Sami Hamiti, anëtarë të KQZ-së.
