Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja “Vetëvendosje” ka paralajmëruar se nuk do të lejojë miratimin e Marrëveshjes së Demarkacionit me Malin e Zi dhe as Asociacionin e Komunave Serbe në veri të vendit. Kjo parti, e cila nuk ka organizuar protesta që nga 17 shkurti i këtij viti paralajmëron që në ditët në vijim, të veprojë energjikisht me qëllim për t’i kundërshtuar marrëveshjet për Asociacionin me Serbinë dhe Demarkacionin me Malin e Zi. Sipas burimeve nga Vetëvendosja bëhet e ditur se në kohën kur pritet ratifikimi i Marrëveshjes për Demarkacionin me Malin e Zi në Kuvendin e Kosovës, deputetët e kësaj partie do të kthehen në Kuvend për ta kundërshtuar këtë Marrëveshje, e cila, i humb vendit mijëra hektarë tokë, ndërsa Asociacioni shkëput përfundimisht një pjesë të Kosovës duke futur Serbinë brenda territorit tonë.
