Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me paratë e privatizimit të pasurive të Kosovës, nuk abuzojnë vetëm ata që kanë përfituar nga ky proces i shkatërrimit të pasurive të Kosovës, por në radhë të parë përfitojnë ata që janë caktuar në krye të kësaj “Korporate të krimit të organizuar”. Anëtarët e Bordit të Agjencisë “Kosovare” të Privatizimit janë përkujdesur për t’ia dyfishuar të hyrat vetes, për punën e tyre që bëjnë në këtë agjenci. Dyfishimin e të hyrave ata e kanë bërë vetëm 5 muaj pasi janë votuar nga Kuvendi i Kosovës. Anëtarët nuk marrin pagë, por vetëm kompensim për ditët e angazhuara në këtë institucion. Anëtarët e Bordit të AKP-së kanë votuar, në mbledhjen e muajit prill, dyfishimin e shumës që ata përfitojnë për pjesëmarrjen në Bordin e AKP-së. Aktualisht secili drejtor merr të paktën 2 mijë e 880 euro në muaj.
