Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kundër vendimit të Gjykatës Kushtetuese, ku dy prona shoqërore, “Apliko” dhe “Iliria” mbesin në pronësi të Manastirit të Deçanit, ka reaguar ashpër edhe kryetari i komunës së Deçanit, Rasim Selmanaj. Në një intervistë për ‘Epokën e re’, Selmanaj ka vlerësuar se ky vendim është i turpshëm, i padrejtë dhe i ndikuar nga politika. Ai ka thënë se këto dy prona janë asete të rëndësishme për zhvillimin e ekonomisë dhe turizmit në Deçan. Sipas tij, Gjykata Kushtetuese e Kosovës e la legjitimuar vendimin e Kuvendit të Serbisë të kohës së Millosheviqit. Selmanaj ka thënë se Gjykata Kushtetuese është e ndikuar nga ndërkombëtarët, prandaj ka vendosur në favor të Manastirit të Deçanit. Megjithatë, ai ka bërë me dije se ky vendim është i papranueshëm dhe do të kundërshtohet me të gjitha mjetet dhe mekanizmat ligjorë.
