Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Evropian ka diskutuar edhe të hënën për liberalizimin e vizave për Kosovën, duke mos dhënë asnjë sinjal pozitiv. Për këtë ka reaguar raportuesja e BE-së për Kosovën, Viola von Cramon. Ajo ka thënë se kjo nuk është e mjaftueshme dhe se qytetarët e Kosovës duan një datë të qartë dhe kjo varet nga Këshilli Evropian. Ndërkohë, në Draftin e Konkluzave tashmë të përgatitur nga Këshilli Evropian sa i përket liberalizimit të vizave për Kosovën, vetëm përsëritet se “Këshilli kupton rëndësinë e liberalizimit të vizave për qytetarët e Kosovës”, thuhet se “propozimi është duke u shqyrtuar në Këshill” dhe rikujtohet se Komisioni Evropian kishte propozuar qysh në vitin 2018 që Kosovës t’i hiqen vizat.
