Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretarja e Partisë Demokratike të Kosovës, Vlora Çitaku, ka kritikuar Qeverinë aktuale dhe ka bërë një krahasim me qasjen e ish-udhëheqësit Hashim Thaçi ndaj politikës ndërkombëtare. Çitaku ka vlerësuar se Thaçi dhe ekipi i tij kanë ndërtuar aleanca të forta me NATO-n dhe Shtetet e Bashkuara të Amerikës, në një periudhë jashtëzakonisht të vështirë për Kosovën, duke u bazuar në sfidat e pasluftës dhe rrethanat politike të kohës. Ajo theksoi se gjatë vitit 1999, nga malet e Berishës dhe Qyqavicës, Thaçi dhe bashkëpunëtorët e tij ishin në gjendje të krijonin marrëdhënie të qëndrueshme ndërkombëtare, që kontribuuan në njohjen dhe konsolidimin e shtetit të Kosovës. Çitaku kritikoi qeverinë aktuale, duke theksuar se politika e saj ka qenë më shumë e fokusuar në komoditetin e zyrave, sesa në ruajtjen dhe zhvillimin e marrëdhënieve strategjike ndërkombëtare, duke vënë në rrezik punën e ndërtuar me dekada nga paraardhësit e shtetit. “Hashim Thaçi dhe ekipi i tij nuk kanë kursyer asnjë përpjekje për të forcuar lidhjet me partnerët ndërkombëtarë, ndërsa kjo Qeveri, me veprime të papërgjegjshme, ka cenuar seriozisht këto raporte strategjike,” ka theksuar Çitaku. Ajo ka bërë thirrje që institucioneve qeveritare t’u rikthehet fokus serioz mbi marrëdhëniet ndërkombëtare, duke garantuar stabilitet dhe besueshmëri për Kosovën në arenën globale.
