Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lahi Brahimaj ka vizituar sot truallin e shenjtë ku ka lindur Nëna Azë, dëshmore e kombit dhe simbol i sakrificës dhe qëndresës shqiptare. Në një vend që ruan kujtimin e historisë së një familjeje të persekutuar gjatë regjimit shovinist, e shpërngulur me dhunë nga Toplica drejt Kosovës dhe vendosur në Tërpez të Malishevës, Brahimaj u prit me mikpritje të ngrohtë. Ai ishte i shoqëruar nga djali i tij, Altini, dhe bashkëluftëtarët Enver Hoti dhe Dardan Krasniqi. Ndërsa qëndronte aty, Brahimaj theksoi krenarinë e madhe për nënën e tij, një grua që sakrifikoi gjithçka për lirinë dhe kombin, dhe kujtoi betejat dhe qëndresën e familjes së saj. “Gjithë jetën do ta mbaj kokën lart, sepse jam biri i Nënës Azë,” tha Brahimaj, duke rikthyer në kujtesë heroizmin dhe guximin e brezave shqiptarë.
