Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Kuvendit nga radhët e PDK-së, Vlora Çitaku, ka reaguar pas qëndrimit të Departamentit të Shtetit lidhur me pezullimin e dialogut strategjik me Kosovën. Ajo tha se ky vendim lidhet drejtpërdrejt me veprimet e qeverisë kujdestare të Kosovës dhe jo me Serbinë apo faktorë të tjerë të jashtëm, siç po përpiqet ta paraqesë kryeministri në detyrë, Albin Kurti. “Megjithatë, A.K i jep vetes të drejtë që, në përpjekjen e tij për t’u hedhur hi syve qytetarëve të Kosovës, të mashtrojë publikisht për arsyet e pezullimit të dialogut me Serbinë. Ai përpiqet të manipulojë opinionin publik për një grusht votash, duke u mbështetur në një populizëm banal, e ndërkohë rrezikon skajshëm raportin e Kosovës me aleatin e saj më të rëndësishëm strategjik, Shtetet e Bashkuara të Amerikës”, shkroi Çitaku në “Facebook”. Sipas saj, deklaratat e Kurtit pas vizitës në SHBA janë të papërgjegjshme dhe dëmtojnë imazhin e Kosovës. “Nga një ekskursion në SHBA, del e bën deklarata si analist mediokër dhe i papërgjegjshëm i politikës së jashtme amerikane, duke dëmtuar imazhin dhe interesin shtetëror të Kosovës”, ka shtuar Çitaku.
