Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Hagë po afrohet fundi i një prej proceseve më të ndjekura në historinë e pasluftës së Kosovës. Me paraqitjen e gjeneralit amerikan Wesley Clark, më 18 nëntor, pritet të përmbyllen dëshmitë në mbrojtje të ish-presidentit të Kosovës, Hashim Thaçi. Ish-komandanti suprem i forcave të NATO-s gjatë ndërhyrjes së vitit 1999, pritet të japë një dëshmi me peshë historike dhe politike, që mund të ndikojë në vlerësimin e rolit të Ushtrisë Çlirimtare të Kosovës, në luftën për liri. Derisa procesi hyn në fazën përmbyllëse, pritet që në pranverën e vitit të ardhshëm të shpallet edhe vendimi përfundimtar. Kjo shënon një moment kyç për drejtësinë ndërkombëtare dhe për imazhin historik të UÇK-së, e cila për më shumë se dy dekada ka qenë simbol i rezistencës për liri, por edhe objekt i proceseve të gjata gjyqësore. Nga 4 dëshmitarët e paraqitur deri më tani nga mbrojtja e Thaçit – mes tyre James Rubin, Paul Williams, John Duncan dhe Jock Covey – të gjithë kanë qenë figura të njohura ndërkombëtare që kanë ndihmuar në ndriçimin e kontekstit politik dhe diplomatik të luftës së Kosovës. Megjithatë, pavarësisht transparencës së procesit, Gjykata Speciale në Hagë vazhdon të mbetet nën kritika të ashpra për qasjen selektive ndaj drejtësisë.
