Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-diplomati amerikan William Walker ka kritikuar ashpër procesin gjyqësor ndaj katër ish-krerëve të UÇK-së në Hagë, duke e cilësuar atë tepër të zgjatur dhe problematik nga këndvështrimi i drejtësisë. Në një intervistë për A2 CNN, Walker tha se procesi ka zgjatur mbi një dekadë dhe është shoqëruar me ndryshime të shumta të gjyqtarëve, prokurorëve dhe juristëve ndërkombëtarë. Sipas tij, kushtet komode të jetesës në Hagë dhe përfitimet e larta financiare mund të kenë ndikuar në zvarritjen e gjykimit. Ai e krahasoi këtë proces me gjyqet e Gjyqet e Nurembergut, të cilat përfunduan brenda dy deri në tre vitesh pas Luftës së Dytë Botërore, pavarësisht përmasave shumë më të mëdha të krimeve. Walker theksoi se mbajtja e të akuzuarve në paraburgim për katër vite pa vendim përfundimtar bie ndesh me parimin themelor “i pafajshëm derisa të provohet fajësia”. Sipas tij, fakti që ata kanë kaluar vite larg familjeve pa një verdikt të formës së prerë përbën “një padrejtësi të tmerrshme”.
