Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Partisë Demokratike të Kosovës, Xhavit Haliti, ka kritikuar qasjen e Gjykatës Kushtetuese në trajtimin e situatave institucionale, duke theksuar se ky institucion nuk duhet të marrë rolin e një organi urdhërues, por të sqarojë me qartësi rrugën ligjore për zgjidhjen e ngërçeve politike. Haliti u shpreh se heshtja e Gjykatës në publikimin e plotë të aktgjykimit ka shtuar paqartësitë në opinion publik dhe ka penguar transparencën institucionale. “Uroj që Gjykata Kushtetuese të ketë dhënë detaje të plota për mënyrën se si duhet të dilet nga ngërçi, e jo të lërë hapësirë për interpretime të dyfishta. Gjykata nuk ka mandat të ‘urdhërojë’, por të sqarojë se si duhet të veprohet,” deklaroi ai. Haliti theksoi po ashtu nevojën për një proces më të besueshëm e të verifikueshëm në përzgjedhjen e anëtarëve të Gjykatës Kushtetuese, duke e vlerësuar pavarësinë dhe profesionalizmin si parakushte themelore për funksionimin e saj. “Shtetet demokratike nuk e vënë në diskutim vendimin e gjykatave kushtetuese, ato thjesht zbatohen me përpikëri,” përfundoi Haliti.
