Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i sapozgjedhur i Partisë Demokratike të Kosovës, Xhavit Haliti, ka deklaruar se ende nuk dihet se kush do të jetë kandidati për president të Kosovës dhe nëse ekziston ndonjë marrëveshje konkrete politike lidhur me këtë proces. Haliti tha se për momentin nuk ka informacione për ndonjë emër konkret që mund të propozohet për këtë post. Ai theksoi se qëndrimi i tij do të jetë në përputhje me vendimin që do të marrë Partia Demokratike e Kosovës. “Varet nga zhvillimet. Nuk e di kush është kandidat dhe a ka ndonjë marrëveshje. Individualisht mendoj se është koha që presidenti të zgjidhet me marrëveshje mes pozitës dhe opozitës”, deklaroi Haliti. Sipas tij, zgjedhja e presidentit përmes konsensusit politik do të kontribuonte në stabilitet institucional dhe funksionim më të mirë të sistemit demokratik. Deklarata e Halitit vjen në kohën kur në skenën politike në Kosovë po zhvillohen diskutime të gjera për procesin e ardhshëm të zgjedhjes së presidentit të vendit.
