Zbulohet busti i Profesorit Idriz Barani

29/09/2016 Institucionet

Ogranizuar nga Komuna e Skenderajt, shkolla “Idriz Barani” në Klinë të Eperme dhe familja Barani, sot u mbajt ceremonia e zbulimit të bustit të profesorit dhe veprimtarit Idriz Barani. Kjo ceremoni u organizuar në ambientet e shkollës fillore në Klinë të Epërme që mban emrin e këtij përsonaliteti të shquar të shkencës e dijes.

Në fjalën e rastit në hapje të kësaj ceremonie foli Nënkryetari i Komunës së Skenderajt Fadil Nura. Ai shprehu respektin e institucioneve lokale të Skenderajt për përsonalitetin e Idriz Beranit, duke theksuar rëndësinë që ka nderimi i veprimtarëve të dijes dhe shkencës nga gjeneratat e reja dhe institucionet.

“Ne sot duhet t’i kujtojmë në mënyrë të vazhdueshëm të gjithë ata djem dhe vajza të prirë nga Komandanti Legjendar Adem Jashari që me gjakun e tyre ndërtuan themelet e Republikës së Kosovës, duhet t’i kujtojmë dhe të jemi falenderues ndaj të gjithë atyre veprimtarëve të çështjes kombëtare që me përkushim i ndihmuan atdheut të tyre në momentet më të vështira” tha z. Nura.

Para të pranishmëve në cilësinë e bashkëpunëtorit të Profesor Baranit foli edhe ish-Rektori i Universitetit Prof. Ramadan Zejnullahu. Ai shpalosi pjesë të rëndësishme nga kujtimet dhe njohjet që ka pasur me Prof. Idriz Barani, duke çmuar lartë figurën dhe përsonalitetin e tij, në aspektin profesional dhe kombëtar. Spas tij Idriz Barani ka pasur rol shumë të rëndësishëm në shkencë dhe edukim, pa përjashtuar edhe frymën kombëtarë të edukimit të brezave të rinj.

Ndërsa Drejtori i shkollës Sadri Hylenal foli për jetën dhe veprën e Prof Idriz Baranit si dhe për angazhimin e shkollës që të ecë në rrugën e Idrizit, duke ndjekur shembullin e tij.

Ceremonia u shoqëruar edhe me një program artistik të shfaqur nga ansambli “Drenica”, ndërsa krejt në fund u bë zbulimi i bustit të Idriz Baranit në prani të përfaqsuesve institucionalë, nxënësve dhe mësimdhënësve, shokëve dhe bashkëveprimtarëve, si dhe të familjarëve të familjes Barani.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara