Zëvendësministri Dukolli vazhdon me vizitën në sektorin e ndërtimtarisë

23/06/2018 Institucionet

Zëvendësministri i Ministrisë së Punës dhe Mirëqenies Sociale Çerkin Dukolli, njëherish kryesues i Këshillit Nacional për Siguri dhe Shëndet në Punë së bashku me anëtarët e këtij këshill kanë vazhduar vizitën e radhës në vend-punishtet e kompanive të sektorit të ndërtimtarisë në qytetin e Prishtinës. Gjatë kësaj vizite, në ambientet e punës, anëtarët e KNSSHP-së u interesuan për kushtet e punëtorëve, të drejtat e tyre, me theks të veçantë masat rreth sigurisë dhe shëndetit të punëtorëve. Dukolli në bashkëbisedim e sipër me investitorët dhe pronarët e kompanive ndërtimore ju bëri me dije se duhet të ofrojnë kushte të mira për sigurinë dhe shëndetin e punëtorëve, ngase kjo është obligim ligjor të cilin duhet ta përmbushim. “Si sektorë, ndërtimtaria ka specifikat e veta të sigurisë, ne kemi pasur këtyre viteve të fundit raste të lëndimeve por edhe me fatalitete, kështu që  të gjithë ne duhet të angazhohemi që  të ofrojmë ambiente të sigurta për punëtorët tanë në punishtet tona, përfshirë këtu edhe pajisjet e duhura të punës“, tha zv/ministri Dukolli. KNSSHP ftoj investitorët por edhe punëkryesit në ndërtimtari që të rrisin angazhimet dhe të shtojnë kapacitetet e tyre në lëmin e sigurisë dhe shëndetit në punë, normalisht edhe punëtorët duhet të kujdesen për sigurinë e tyre dhe të tjerëve në mënyrë që të kemi vende pune të sigurta.  “Si KNSSHP, në vazhdimësi përmes raporteve tona do dalim me propozime konkrete për institucionet relevante sa i përket çështjes së sigurisë dhe shëndetit në punë”, ka shtuar ndër tjerash Dukolli.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara